Жүктерді сақтандыру

1. Біз нені сақтандырамыз?

- тасымалдау уақытындағы тек бас жүктерді (бас жүктер деп жүкті сыртқы әсерден қорғайтын тұтас қаптамасы бар жүктер түсініледі)
- тасымалдауға байланысты көлік және үстеме шығыстарды
- межелі пунктте тауарларды өткізуден күтілетін пайданы

2. Шарттың нысаны

Тараптар өтеу кезеңі 1 жыл болатын жүктерді сақтандырудың Бас шартына қол қояды, оның талаптары бойынша Сақтанушының барлық жөнелтілімдері автоматты түрде сақтандырылған болып саналады. Біздің Сақтанушыларымыз (клиенттеріміз) – тікелей жүк иелері, жүк алушылар да, жүк жөнелтушілер де. Бас шарт бойынша жұмыс істеудің негізгі артықшылықтары:

- алдын ала келісілген талаптар мен сыйлықақы мөлшерлемелері бойынша кепілдік берілген сақтандыру өтемі;
- клиенттердің әр алуан қажеттіліктеріне жауап беретін әмбебап шарт;
- сақтандыру өтемі тауар (жүк) Сақтанушының тәуекелінде бола бастаған сәттен бастап әрекет ете бастайды;
- нақты жөнелтілім бойынша ақпарат Сақтандырушыға әлі ұсынылмаған жағдайда да залал бойынша өтем әрекет етеді;
- әдетте Бас шарт бойынша сақтандыру құны жекелеген бір реттік Сақтандыру шарттары бойынша сақтандыруға қарағанда біршама төмен болады;
- нақты жөнелтілімге әр жолы жеке Сақтандыру шартын ресімдеудің қажеті жоқ;
- экспорттаушылар сатып алу-сату шартын жасасу кезінде сақтандыруға жұмсалатын өз шығыстарын тауар бағасына енгізе алады;
- сақтандыру сыйлықақысын төлеу әдісі клиенттің қажеттіліктеріне қарай әртүрлі болуы мүмкін: сақтандыру кезеңінің соңында кейіннен қайта есептей отырып жылына бір рет; тоқсан сайын; Сақтанушының есептері (декларациялары) негізінде ай сайын;

3. Сақтандыру аумағы және көлік құралдарының түрлері

Бас шарт бүкіл әлем бойынша, оның ішінде Қазақстан ішінде және қала ішіндегі тасымалдарды қоса алғанда, кез келген көлік түрімен (теңіз, әуе, автомобиль, темір жол) тасымалдауды қамтиды. БҰҰ немесе АҚШ Үкіметінің санкциялары қолданылатын елге/елден/ел шегінде қандай да бір жөнелтілімдер сақтандырумен қамтылмайды. Бас шарт қайта тиеуді, ауыстырып тиеуді және аралық сақтауды қоса алғанда, "қоймадан қоймаға дейін" тасымалдаудың бүкіл кезеңіне сақтандыру өтемін бере алады.

4. Сақтандыру өтемінің көлемі

Жүкті бір порттан/елден екіншісіне тасымалдау кезіндегі залалды және/немесе зиянды өтейтін сақтандыру. Тасымалдау теңізбен, әуемен немесе құрлықпен жүзеге асырылуы мүмкін. Полис Сақтанушының жеке қажеттіліктерін қанағаттандыру үшін жасалады. Өтем барлық тәуекелдерді немесе тек келісілгендерін ғана қамтуы мүмкін.

Біздің жүктерді сақтандыруда мол тәжірибеміз бар және халықаралық нарықта жалпы қабылданған талаптар негізінде жұмыс істейміз. Жүктерді сақтандыру талаптары жүктерді сақтандырудағы қалыптасқан халықаралық практиканы ескере отырып әзірленген және Лондон сақтандырушылары институты белгілеген стандартты талаптарға сәйкес келеді.

Жүктерді көліктік сақтандыру қағидаларына сәйкес біздің компания Сақтанушыға сақтандыру өтемінің төрт түрін ұсынады:

"Барлық тәуекелдер үшін жауапкершілікпен"
Осы талаптармен сақтандыру кезінде "Страховая компания AIG Kaзахстан" тасымалдаудың іс жүзінде кез келген қауіптері мен кездейсоқтықтары себеп болған залалдарды өтеу міндетін өзіне алады.

"Жеке апат үшін жауапкершілікпен"
Жүкті осы талаптармен сақтандыру кезінде табиғи дүлей күштердің әсерінен, кемелердің, ұшақтардың және басқа да тасымалдау құралдарының апатқа ұшырауы немесе соқтығысуы салдарынан бүкіл жүктің немесе оның бір бөлігінің бүлінуінен немесе толық жойылуынан болған залалдар, кеменің немесе ұшақтың хабарсыз жоғалуы салдарынан болған залалдар өтеледі. Сондай-ақ жүкті тиеу, жайғастыру, жөнелту кезінде болған жүктің жоғалуынан немесе бүлінуінен туындаған залалдар өтеледі.

"Апатқа ұшырау жағдайларынан басқа, бүліну үшін жауапкершіліксіз"
Осы талаптармен сақтандыру кезінде Сақтанушыға табиғи дүлей күштердің әсерінен, кеменің немесе ұшақтың хабарсыз жоғалуынан, жүкті тиеу, жөнелту кезіндегі жазатайым оқиғалардан бүкіл жүк немесе оның бір бөлігі толық жойылған жағдайда, сондай-ақ жүктің бүлінуі кеменің апатқа ұшырауынан немесе соқтығысуынан, өрттен, жарылыстан және т.б. туындаған болса, сақтандыру өтемінің төленуі қамтамасыз етіледі.

"Сақтау тәуекелдері үшін жауапкершілікпен"
Осы талаппен жасалған шарт бойынша үшінші тұлғалардың құқыққа қайшы әрекеттері (ұрлық, тонау, жүкті өртеу, жару, қойманың коммуникациялық желілерін бүлдіру және т.б. арқылы қасақана жою немесе бүлдіру (бұзу)), өрт, жарылыс, топырақтың шөгуі немесе жер асты суларының басуы салдарынан, сондай-ақ су құбыры, жылыту немесе кәріз жүйесінің авариясы (ақауы); дүлей зілзалалар нәтижесінде туындаған бүкіл жүктің немесе оның бір бөлігінің жойылуынан, жоғалуынан немесе бүлінуінен болған залалдар өтеледі.

Көрсетілген негізгі талаптардан басқа, біз өз практикамызда сақтандыру өтемінің көлемін кеңейтетін әртүрлі Ескертпелерді кеңінен қолданамыз. Мысалы, "Апатқа ұшырау жағдайларынан басқа, бүліну үшін жауапкершіліксіз" талаптарын "тұтас жүк орындарының ұрлануы және жеткізілмеуі нәтижесінде болған залалдарды қоса алғанда" ескертпесімен кеңейтуге болады. Қосымша түрде соғыс немесе ереуіл тәуекелдері деп аталатын тәуекелдерді сақтандыруға болады, яғни әскери іс-қимылдар немесе ереуілдер нәтижесінде болған зиян өтелуге жатады. Соғыс тәуекелдері тек теңіз тасымалына қатысты ғана өтеледі. Ереуіл тәуекелдері бойынша өтем жүк алдын ала жоспарланған бағыт бойынша жүретін құрлықтағы тасымалдау кезінде ғана көзделген.

5. Өтемнен стандартты алып тастаулар

Егер залал мыналардың нәтижесінде болса, Сақтандырушы сақтандыру өтемін төлеуден босатылады:

- Сақтанушының қасақаналығы және өрескел абайсыздығы
- жүктің сыртқы қаптамасының жеткіліксіздігі немесе жарамсыздығы
- ядролық жарылыстың, радиацияның немесе радиоактивті ластанудың және т.б. әсері
- саяси уәждермен жасалған террористік актілер және құқыққа қайшы әрекеттер
- кедендік те, жүк жөнелтушінің де пломбалары бұзылмаған кездегі жүктің кем шығуы
- жүкті жеткізудің кешігуі, тіпті ол туындау тәуекелі сақтандырылған оқиғаның салдарынан болса да
- сақтандырылған жүкті мемлекеттік органдардың бұйрығы бойынша алып қою, тәркілеу, реквизициялау, оған тыйым салу, жою

6. Өтем берілмейтін жүктер

- қолма-қол ақша, бағалы металдар;
- қаржылық құжаттар, банкноттар, монеталар, бағалы қағаздар, акциялар, чектер және т.б.;
- сусымалы жүктер;
- өнер және антиквариат туындылары;
- жүк ретіндегі контейнерлер;

Сақтандыру сыйлықақысы мөлшерлемелерінің (сақтандыру үшін төлемақының) мөлшері сақтандырылған тәуекелдерді таңдауға, жүктің номенклатурасы мен қаптамасына, тасымалдау қашықтығына, жүкті тасымалдау кезеңі мен тәсіліне, аралық сақтауға немесе қоймаға қоюға, жүктің күзеті мен алып жүрілуінің болуына және тәуекелді бағалау кезінде қойылатын сұрақтарда көрініс тапқан басқа да факторларға байланысты. Тасымалдау көлемі ұлғайған сайын сыйлықақы мөлшерлемесі айтарлықтай төмендетілуі мүмкін. Біздің сақтандыру мөлшерлемелеріміз – халықаралық деңгейде

8. Біз ұсынамыз

жүктерді күзету, жүкке қол жеткізуді қиындатуға арналған арнайы құрылғыларды пайдалану және т.б.).
- әлемдегі ең тиімді және кеңінен ұсынылған авариялық комиссарлар мен серіктес сюрвейерлік фирмалар желісін.
- 1998 жылғы ақпанда Роттердамда ашылған "Marine Loss Control and Engineering" еуропалық бөлімшеміз әзірлеген шығындылықты бақылаудың арнайы бағдарламаларын (ол уақытқа қарай АIG тобының Компанияларында Латын Америкасында, АҚШ-та және Азияда осындай сенімді бөлімшелер болған).

9. Шығындылықты бақылау және зиянның алдын алудың арнайы бағдарламасы (MLCE)

Шығындылықты бақылау және зиянның алдын алу жөніндегі техникалық бөлім теңіз тасымалдарына тапсырыс берушілерге қосымша қызметтер көрсету үшін 90-жылдардың басында құрылды. AIG компаниясының бәсекелестерінен айырмашылығы – ол зиянның алдын алу үшін жүк сюрвейерін тағайындаудан гөрі көбірек нәрсе ұсынады. AIG Marine бөлімшесі теңіз тасымалдары нәтижесіндегі зиянның алдын алу жөніндегі техникалық бөлімді (MLCE) құрды. Андеррайтерлерге де, клиенттерге де зиянның алдын алу жөніндегі кәсіби қызметтерді көрсету үшін AIG-ге білікті кеме инженерлері мен кеме капитандары шақырылды. Бүгінде зиянның алдын алу жөніндегі техникалық бөлімнің инженерлері Гонконгта, Сингапурда, Франкфуртта, Лондонда, Буэнос-Айресте, Сан-Паулуда, Мехикода және Нью-Йоркте жұмыс істейді.

Зиянды бақылау және алдын алу жөніндегі қызметтер дегеніміз не?

MLCE клиенттерге олардың тауарларын тиісті мөлшерде уақтылы және сапалы жеткізуді қамтамасыз ету үшін жүктерді тасымалдау және сақтау процесінде жәрдем мен қолдау көрсетеді. Ол үшін жүктердің сақталуы мен қауіпсіздігін қамтамасыз ету жөніндегі іс-шараларды ұйымдастыру қажет. Клиентке көмек көрсету үшін біз транзиттік бақылау мен қауіпсіздікті тексеруді, қаптаманы тексеруді, тиеу мен сақтауды қадағалауды, автомобиль, темір жол, әуе немесе теңіз көлігімен тасымалдау кезінде жүктерді бекіту жөніндегі ұсынымдарды, сондай-ақ жөнелтудің кешігуін сақтандыру өтемі (DSU) үшін "сыни аспектілерді" қадағалауды қамтитын логистикаға талдау жүргіземіз. Негізгі мақсат – клиент логистикасының құрылымына оңай енгізуге болатын тиімді ұсынымдар әзірлеу.

Бұл қызметтерді клиенттерімізге зиянның алдын алу жөніндегі кәсіби топ көрсетеді, оның стратегиялық орналасуы көрсетілетін қызметтердің жоғары тиімділігі мен сапасын қамтамасыз етуге мүмкіндік береді. Барлық қызметтерді Нью-Йорктегі кеңсеміз үйлестіреді, ал оларды халықаралық мамандар тобы көрсетеді. Мұндай тәсіл біздің тікелей басшылығымыз бен бақылауымыздағы кәсіби сюрвейерлердің сапалы қызмет көрсетуін қамтамасыз етеді.

Қызметіміздің көлемі мен географиялық қамтуын ескере отырып, біз теңіз тасымалдарының әртүрлі салаларында тәжірибесі бар бүкіл әлемдегі теңіз кемелерінің білікті тәуелсіз сюрвейерлерінің кең желісін де пайдаланамыз. Зиянның алдын алу жөніндегі өз мамандарымыз клиенттерімізге көрсетілетін қызметтердің сапасын бақылауды қамтамасыз ету үшін осы сарапшылардың бірқатар бағыттар бойынша күш-жігерін үйлестіреді

Зиянды бақылау және алдын алу тобының мамандары әлемнің көптеген елдерінде жұмыс істейді. Топтың теңіз тасымалдары индустриясына байланысты әртүрлі салалардағы 200 жылдан астам жұмыс тәжірибесі бар. Біздің барлық мамандарымыз салалық іс-шаралар мен форумдарда сөз сөйлеген, көпшілігінің мамандандырылған басылымдарда жарияланымдары бар. Клиенттеріміздің персоналымен тығыз ынтымақтаса отырып, біз олардың қызметін ұйымдастырумен және проблемалы учаскелерімен танысып, зиянның алдын алуға бағытталған шешімдер таба отырып, табысқа жетеміз.

Мұндай тәсіл жүктерді тасымалдау процесінде сіздің мүдделеріңізді қорғап қана қоймай, сіз қызмет көрсететін клиенттермен қарым-қатынасты нығайтуға да ықпал етеді.

AIG-нің жүктерге келтірілетін зиянды бақылау және алдын алу жөніндегі бөлімшесі өз қызметін ортақ біліміміз, ресурстарымыз бен тәжірибеміз жүктерді тасымалдау кезіндегі тәуекелдерді басқару жөніндегі қызметтер саласында бізге көшбасшылық позицияларды қамтамасыз етеді деген сенімге негіздейді. Тиімді әрі сапалы қызмет көрсетуге дайындық – біздің басты ерекшелігіміз.

Жүкке келтірілетін зиянның алдын алу жөніндегі іс-шаралар міндетті түрде өзін-өзі ақтайды. Біз жүкке келтірілген зиянға байланысты талаптардың шамамен 80%-ын зиянның алдын алу шаралары қабылданған жағдайда болдырмауға болатынын байқадық. Сондықтан біз жүкке келтірілетін зиянның алдын алу шараларына және тасымалдау кезіндегі тәуекелдерді басқаруға ерекше назар аударамыз.

Клиенттердің тәуекелін жоспарлау тәуекелдерді басқарудың маңызды бөлігі болып табылады. Егер проблемалы салалар болса, біз балама шешімдерді тауып, ұсына аламыз және консультациялық қызметтер көрсете аламыз. Аса маңызды кезеңдер барысында, мысалы, тиеу және түсіру кезінде мұқият кейінгі бақылау немесе инспекциялау қажет болуы мүмкін. Біздің біліміміз бен тәжірибеміз ерекше жағдайларда тасымалдау кезінде әсіресе пайдалы болуы мүмкін. Өз ресурстарымызға қосымша біз агенттер мен сюрвейерлердің жаһандық желісін ұсынамыз. Seaways халықаралық жүйесімен байланыс тапсырыс беруші пайдаланғалы отырған кемелер туралы тәуекелдерді анықтау үшін құнды ақпарат алуға мүмкіндік береді. Тасымалдау барысында қоймаға қою үшін біз қойма тәуекелдерін зерттеудің Navigator бағдарламасын әзірледік. Біздің консультацияларымыз бен оқыту қызметтеріміз жүктерге келтірілетін зиянның алдын алу жөніндегі превентивтік іс-шаралардың барлық аспектілері бойынша клиенттерге көмек көрсетуге мүмкіндік береді. Бұл қызметтерді клиенттерімізге зиянның алдын алу жөніндегі кәсіби топ көрсетеді, оның стратегиялық орналасуы көрсетілетін қызметтердің жоғары тиімділігі мен сапасын қамтамасыз етуге мүмкіндік береді. Барлық қызметтерді Нью-Йорктегі кеңсеміз үйлестіреді, ал оларды халықаралық мамандар тобы көрсетеді. Мұндай тәсіл біздің тікелей басшылығымыз бен бақылауымыздағы кәсіби сюрвейерлердің сапалы қызмет көрсетуін қамтамасыз етеді.

10. Залал – не істеу керек?

- бүлінген жүкті құтқару және сақтау үшін барлық мүмкін шараларды қабылдау;
- болған оқиға туралы Сақтандырушыға дереу хабарлау;
- кінәлі тарапқа регресс құқығын қамтамасыз ету; Сақтандыру өтемін талап еткен кезде Сақтанушы құжаттамалық түрде дәлелдеуге міндетті: - сақтандырылған мүлікке қатысты өз мүддесін;
- сақтандыру жағдайының басталу фактісін;
- залал бойынша өз талабының мөлшерін; Өтем сақтандырылған жүктің нақты (шынайы) құны негізінде төленеді, сондай-ақ сақтандыру сыйлықақысы да бағаны дәл осылай белгілеу негізінде төленеді.

11. Талап-арыз құжаттары (Бұл Сақтандырушыға залал бойынша төлемді жүзеге асыру үшін қажет құжаттар)

- жүкке арналған тауарға билік ету құжаттары;
- шот-фактура;
- көліктік жүкқұжат;
- жүкті тексеру актісі, коммерциялық акт;
- жүк бүлінген жағдайда, сюрвейерлік есеп;
- жұмсалған қосымша шығыстарды растайтын құжаттар;
- сақтандыру жағдайын тергеу мемлекеттік органдардың құзыретінде болған жағдайда, олардан алынған анықтамалар;
- Сақтандырушыға ресми талап-арыз;
- кінәлі тарапқа (тасымалдаушыға, фрахтаушыға) регресс құқығын қамтамасыз ететін құжаттар;