Құрылыс-монтаж тәуекелдерін сақтандыру

1) Құрылыс-монтаждау тәуекелдерін сақтандыру полисі нені өтейді?

ҚМЖ сақтандыру бойынша стандартты полис екі негізгі бөлімнен тұрады:

1-бөлім. Материалдық залал
Сақтанушыда құрылыс немесе монтаждау кезінде туындаған залалдар, яғни келісімшарттық жұмыстарға, материалдарға, жабдыққа келтірілген залал. Сондай-ақ қосымша түрде құрылыс техникасын, уақытша жұмысшы қалашықтарын, тасымалдаудағы және қоймадағы мүлікті сақтандыруға болады.

2-бөлім. Үшінші тұлғалар алдындағы азаматтық-құқықтық жауапкершілікті сақтандыру
Үшінші тұлғаларға келтірілген залалды өтеу жөніндегі оның жауапкершілігіне байланысты залал. Бұл үшінші тұлғалардың өмірі мен денсаулығына келтірілген залал немесе үшінші тұлғалардың мүлкіне келтірілген материалдық залал болуы мүмкін. Бұл ретте Сақтанушының және/немесе құрылыс алаңында жұмыс істейтін мердігерлердің қызметкерлері үшінші тұлғалар болып табылмайды деп түсініледі.
Қосымша түрде полиске құрылыстағы үзіліс және құрылыс объектісін пайдалануға беруді кешіктіру нәтижесіндегі залалдарды сақтандыруды енгізуге болады.

3-бөлім. Құрылыстағы үзіліс және құрылыс объектісін пайдалануға беруді кешіктіру нәтижесіндегі залалдарды сақтандыру
Сақтандыру жағдайларының бірі туындауы себебінен құрылыста үзіліс болған жағдайда шығыстар, егер мұндай кешіктіру болмаса, құрылыс объектісін пайдалану кезеңінде Тапсырыс беруші алуы мүмкін жалпы табыс сомасы мөлшерінде өтеледі.

2) Сақтанушы кім болады?
• Тапсырыс беруші
• Бас мердігер
• Мердігерлер / қосалқы мердігерлер
• ҚР заңнамасына сәйкес құрылыс-монтаждау жұмыстарын жүзеге асыратын және құрылыс объектісіне, құрылыс жабдығына, материалдарға және құрылыс-монтаждау жұмыстары кезінде пайдаланылатын өзге де мүлікке қатысты мүліктік мүддесі бар өзге де тұлғалар.

3) Сақтандырылған тәуекелдер
Залалдар «барлық тәуекелдер бойынша жауапкершілікпен» қағидаты негізінде өтеледі, яғни сақтандырылған объектінің кез келген күтпеген және кенеттен болған әсерден, атап айтқанда (бірақ мұнымен шектелмей) мынадай тәуекелдерден жойылуы немесе зақымдануы нәтижесінде туындаған залалдар:

• өрт, жарылыс, найзағай, ұшақтың немесе жоғарыдан заттардың құлауы;
• торнадо, дауыл, тайфун, боран;
• қар көшкіні, сел;
• су тасқыны, су басу;
• опырылу, көшкін, топырақтың шөгуі, жер асты суларының көтерілуі;
• жер сілкінісі;
• үшінші тараптардың қасақана әрекеттері, атап айтқанда бұзып кіру және ұрлық, сондай-ақ полисте сақтандыру тәуекелдері ретінде көрсетілген өзге де қасақана зиян келтіру;
• техникалық коммуникациялардың зақымдануы (сумен жабдықтау, кәріз, жылыту және электр);
• жұмыстардың сапасыздығы;
• құрылыс объектісінің опырылуы және опырылу нәтижесіндегі залал;
• сақтандыру полисінде жеке шарттастырылмаған құрылыстағы басқа да күтпеген немесе алдын ала болжанбаған оқиғалар.

4) Полистің қолданылу кезеңі
Полис сақтандыру шартында шарттастырылған күнге дейін, бірақ құрылыс жұмыстары аяқталған күннен ұзақ емес мерзімге қолданылады. Сондай-ақ полис тапсыру/іске қосу және іске қосу сынақтары кезеңін, сондай-ақ іске қосудан кейінгі кепілдік міндеттемелер кезеңін өтей алады.

5) Сақтандырудың алдын ала құны мен талаптарын қалай білуге болады.

Қоса берілген сауалнаманы толтыру немесе сақтандыру объектісі туралы мынадай ақпаратты хабарлау қажет:

• Құрылыс объектісінің мақсаты;
• Қабырғалардың, шатырдың, едендердің материалдары;
• Құрылыс учаскесінің орналасқан жері;
• Тапсырыс берушінің / Бас мердігердің атауы және мердігердің тәжірибесі;
• Келісімшарттық жұмыстардың болжамды құны;
• Бірегей технологияларды пайдалану, эксперименттік жұмыстар және т.б.
• Іргетастың сипаттамасы, қабаттылығы, корпустар саны, алатын ауданы;
• Жақын маңдағы ғимараттар мен құрылыстардың сипаттамасы