Әуе көлігін сақтандыру

Сақтандыруға қабылданады:

• әуе кемесін мемлекеттік тіркеу туралы куәлігі, әуе кемесінің ұшуға жарамдылық сертификаты (куәлігі) немесе оларды алмастыратын өзге құжаттары бар әуе кемелері (азаматтық, мемлекеттік және эксперименттік авиация);
• әуе кемесінің бортында орнатылған және тиісінше ресімделген құжаттары (паспорт, формуляр және т.б.) бар әуе кемелерінің жекелеген агрегаттары, жолаушылар және көлік ұшақтары.

Сақтандыру тәуекелдері, сақтандыру жағдайы

Клиент әуе кемесін оның қаза табуынан, хабар-ошарсыз жоғалуынан, жоғалуынан немесе зақымдануынан сақтандыра алады.
Сақтандыру жекелеген таңдалған тәуекелдер бойынша да, барлық тәуекелдер бойынша да жүргізіледі.

Сақтандыру жағдайлары:

- авиациялық оқиға, инцидент;

- шассидің сынуы;

- салонның герметикалығының бұзылуы;

- ұшу кезінде қозғалтқыштарға немесе пропеллерге құстардың түсуі;

- ұшу кезінде рульдік басқарудың істен шығуы.

- әуе кемесіндегі өрт, жер сілкінісі, дауыл, боран, найзағай соғуы;

- үшінші тұлғалардың абайсыз (ұрлауды қоспағанда) әрекеттері, олар
Сақтандыру шартының қолданылу кезеңінде орын алып, сақтандыру объектілерінің жоғалуына, бұзылуына немесе зақымдануына әкеп соққан;

- сақтандыру объектісін ұрлау (айдап әкету емес) немесе жоғалту.

Сақтандыру сомасы

Сақтандыру сомасының мөлшерін Клиент әуе кемесінің сақтандыру құнына – Сақтандыру шартын жасасу сәтіндегі оның нақты бағасына сүйене отырып айқындайды.

Сақтандыру сыйлықақысы мынадай факторларға байланысты:

• әуе кемесінің түрі мен сипаттамасы;
• сақтандыру кезеңі;
• клиенттің қалауы бойынша таңдалған сақтандыру тәуекелдері.

Сақтандыру объектісі Сақтандыру шартының қолданылу кезеңінде сақтандырылған әуе көлігінің (қосалқы және ауыстырылатын бөлшектерінің) зақымдануы, жойылуы (қаза табуы) немесе жоғалуы/хабарсыз кетуі салдарынан Сақтанушының оны иеленуіне, пайдалануына, оған билік етуіне байланысты мүліктік мүдделері болып табылады. Сондай-ақ Сақтанушының қалауы бойынша және сақтандыру шарты бойынша қосымша сақтандыру сыйлықақысы төленген жағдайда, сақтандыру объектісі ретінде әуе көлігі зақымданған, жойылған (қаза тапқан) кезде Сақтанушының қосымша шығыстар жұмсауына байланысты мүліктік мүдделері де бола алады.

Шартта әуе кемесінің зақымдануы деп мыналар түсініледі:

осы Шартта көзделген оқиғалардың нәтижесінде конструкция тұтастығының бұзылуы немесе тораптардың (агрегаттардың) бұзылуы, бұл авариялық қалпына келтіру жөндеуін жүргізуді талап етті.

Шартта әуе кемесінің жойылуы (толық қаза табуы) деп әуе кемесінің толық жойылуы түсініледі, бұл кезде:
оның ешбір агрегатын бұдан әрі тікелей мақсаты бойынша пайдалану мүмкін болмайды немесе
әуе көлігіне қатысты әуе кемесін қалпына келтірудің техникалық мүмкін еместігі немесе экономикалық
орынсыздығы анықталған (оның авариялық жөндеуге арналған шығыстары сақтандыру жағдайы басталған күнгі оның
құнының 60%-ынан асқан кезде), сондай-ақ әуе көлігін тікелей мақсаты бойынша
пайдалану мүмкін болмаған жағдайда.

Шартта әуе кемесінің жоғалуы/хабарсыз кетуі деп мыналар түсініледі:

сақтандыру шартының қолданылу кезеңінде жүзеге асырылған жоспарлы ұшудан кейін әуе кемесі баратын пунктке келмеген және оны іздеу шаралары 60 тәулік ішінде нәтиже бермеген немесе оны іздеу осы мерзімнен бұрын ресми түрде тоқтатылған кездегі әуе кемесінің жоғалуы;
әуе кемесінің қатынауы қиын және осы кемені эвакуациялауға жарамсыз жерге мәжбүрлі қонуынан туындаған әуе кемесінің жоғалуы;
әуе кемесін ұрлау, айдап әкету, қарақшылық шабуыл, тонау нәтижесінде болған әуе кемесінің жоғалуы.
Сақтанушы сақтандыруға қабылданған тәуекелдердегі барлық елеулі өзгерістер туралы, мысалы: әуе көлігін жалға немесе кепілге, лизингке беру, сақтандырылған мүліктің басқа тұлғаға өтуі туралы өзіне белгілі болған бойда дереу, бірақ үш жұмыс күнінен кешіктірмей Сақтандырушыға жазбаша хабарлауға міндетті.