Автомобиль көлігін сақтандыру

Автокөлікті сақтандыру бірнеше сақтандыру түрін біріктіреді — КАСКО автосақтандыруы және көлік иелерінің АҚЖ міндетті сақтандыруы:

1. КАСКО автосақтандыруы — жерүсті көлік құралын иеленуге, пайдалануға және оған билік етуге байланысты мүліктік мүдделерді ерікті сақтандыру.

КАСКО полисі Сізді мына тәуекелдерден қорғайды:

• Жол-көлік оқиғасы
• Үшінші тұлғалардың құқыққа қайшы әрекеттері
• Автокөлікті айдап әкету
• Түрлі заттардың құлауы (ағаштар мен олардың бұтақтары, тастар, қар мен мұз, ғимарат бөліктері және терезеден лақтырылған заттар)
• Аударылып қалу
• Қозғалмайтын немесе қозғалыстағы заттарға соғылу (соқтығысу), атап айтқанда: құрылыстарға, кедергілерге, жануарларға, ағаштарға
• Өрт, жарылыс
• Табиғи апаттар
• сондай-ақ мүліктің кез келген зақымдануы.

Сақтандыру компаниялары түрлі автосақтандыру бағдарламаларын ұсынады. Өзіңізге қажеттісін таңдаңыз.

2. Автокөлік иесінің АҚЖ автосақтандыруы — автокөлік иесінің азаматтық-құқықтық жауапкершілігін міндетті сақтандыру, тек автокөлік иесі ЖКО-ға кінәлі болған жағдайда ғана қолданылады.

Көлік құралдары иелерінің АҚЖ міндетті сақтандыру

Көлік құралдары иелерінің азаматтық-құқықтық жауапкершілігін міндетті сақтандыру — «Көлік құралдары иелерінің азаматтық-құқықтық жауапкершілігін міндетті сақтандыру туралы» 2003 жылғы 1 шілдедегі № 446-II Қазақстан Республикасының Заңына сәйкес сақтандырудың міндетті түрі.

Жауапкершілікті міндетті автосақтандыру полисі не үшін қажет?

• Полис Сіздің кінәңізден болған ЖКО нәтижесінде үшінші тұлғаларға келтірілген материалдық залалдың өтелуіне кепілдік береді
• Полис Сіздің автокөлігіңізді сақтандырмайды, ол Сіз кінәлі болған жағдайда зардап шеккен адамға залалдың өтелуіне кепілдік береді

Сақтандыру жағдайы кезінде сақтандыру компаниясы зардап шеккен тарапқа қанша өтейді?

• бір автокөлікке келтірілген зиян үшін — 907 200 теңгеден аспайды (600 АЕК)
• әрбір жәбірленушінің өміріне немесе денсаулығына келтірілген зиян үшін — 1 512 000 теңгеден аспайды (1000 АЕК)

АҚЖ ерікті сақтандыру шартын жасасу арқылы жауапкершілік лимиттерін арттыруға болады.

Тікелей реттеу

Сақтандыру жағдайы басталған кезде жәбірленуші сақтандыру төлемін алу үшін өзімен көлік құралдары иелерінің жауапкершілігін міндетті сақтандыру шарты жасалған сақтандырушыға жүгінеді, бұл ретте сақтандыру жағдайы кінәсінен болған тұлғада сақтандыру полисі болуы шарт.

Автокөлік АҚЖ калькуляторы

Автокөлікті неғұрлым тиімді әрі жан-жақты сақтандыру үшін мамандар осы екі түрді де сатып алуды ұсынады. Негізгі себептері:

1. Барлық тәуекелдер бойынша қорғауды қамтамасыз ету;
2. Заң талаптарын орындау;

Сақтандыру жағдайы басталған кезде

Автокөлік иелерінің азаматтық-құқықтық жауапкершілігін міндетті сақтандыру полисі бойынша

1. Жол-көлік оқиғасы болған жерге 102 телефоны арқылы Жол полициясы басқармасының қызметкерлерін міндетті түрде шақырыңыз
2. Өмір мен денсаулыққа зиян келтірілген жағдайда міндетті түрде 103-ке қоңырау шалыңыз
3. Көлік құралы өртенген жағдайда 101-ге қоңырау шалыңыз.
4. Сақтандыру жағдайын тіркеу үшін Жол-көлік оқиғасы болған жерге Сақтандыру компаниясының апаттық комиссарын шақырыңыз
5. ЖКО болған сәттен бастап 3 жұмыс күні ішінде Сақтандыру компаниясын сақтандыру жағдайы туралы кез келген қолжетімді тәсілмен (ауызша, жазбаша) міндетті түрде хабардар етіңіз. Ауызша хабарламаны кейіннен жазбаша растау қажет.

Автокөлікті ерікті сақтандыру «КАСКО» полисі бойынша

Жол-көлік оқиғасы (ЖКО) кезінде, сондай-ақ көлік құралы тұрақта зақымданған кезде

1. ЖКО болған жерге жол полициясы қызметкерлерін тел.: 102, ұялы 112 арқылы шақырып, жол полициясы қызметкерлері келгенге дейін көлік құралын жылжытпай, оқиға орнында қалу;
2. ЖКО болған жерге апаттық комиссарды шақыру
3. Ешбір жағдайда кінәлі тұлғаға қойылатын талап ету құқығынан бас тарту туралы өтініш жазбауыңыз керек, әйтпесе Сізге сақтандыру төлемінен бас тартылады
4. 3 жұмыс күнінен кешіктірмей сақтандыру компаниясын жазбаша хабардар ету
5. Сақтандыру компаниясына қажетті құжаттарды ұсыну (төмендегі тізімді қараңыз)

Назар аударыңыз!

Егер Сіз Алматы немесе Нұр-Сұлтан (Астана) қалалары шегінде автокөлігіңіздің оптикасын (алдыңғы/артқы әйнек, алдыңғы/артқы фаралар) зақымдасаңыз және ЖКО-ның қатысушысы тек Сіз болсаңыз, яғни зардап шеккен тарап болмаса, МАИ-дан құжаттар ұсыну міндетті емес. Бірақ зақымданған автокөлікті тексеру үшін ЖКО болған жерге апаттық комиссарды шақыру міндетті шарт болып табылады.

Залал келтірілген кезде (үшінші тұлғалардың құқыққа қайшы әрекеттері нәтижесінде)

1. Оқиға болған жерге аумақтық АІІБ қызметкерлерін тел.: 102, ұялы 112 арқылы шақыру;
2. Оқиға болған жерге апаттық комиссарды шақыру;
3. Болған оқиға туралы АІІБ-ге өтініш жазыңыз (бұл өтініштің тіркеу журналында тіркелгеніне көз жеткізіңіз);
4. Ешбір жағдайда кінәлі тұлғаға қойылатын талап ету құқығынан бас тарту туралы өтініш жазбауыңыз керек, әйтпесе Сізге сақтандыру төлемінен бас тартылады;
5. Болған оқиға бойынша құжаттарды ресімдеу рәсімінен кейін АІІБ қызметкерлерінен осы оқиғаны қарауға қатысты ақпарат алу;
6. 3 жұмыс күнінен кешіктірмей сақтандыру компаниясын жазбаша хабардар ету;
7. Сақтандыру компаниясына қажетті құжаттарды ұсыну:

Айдап әкеткен кезде

1. Оқиға болған жерге аумақтық АІІБ қызметкерлерін тел.: 102, ұялы 112 арқылы шақыру;
2. Болған оқиға туралы АІІБ-ге өтініш жазыңыз (бұл өтініштің тіркеу журналында тіркелгеніне көз жеткізіңіз);
3. 3 жұмыс күнінен кешіктірмей сақтандыру компаниясын жазбаша хабардар ету.
4. Сақтандыру компаниясына қажетті құжаттарды ұсыну:

Өрт кезінде

1. Оқиға болған жерге өрт сөндіру қызметінің қызметкерлерін тел.: 101, ұялы 112 арқылы шақыру;
2. Оқиға болған жерге апаттық комиссарды шақыру;
3. 3 жұмыс күнінен кешіктірмей сақтандыру компаниясын жазбаша хабардар ету.
4. Өрт қадағалау органдарынан өрттің себебі және осы оқиға бойынша қабылданған шешім көрсетілген анықтама, қаулы алу;
5. Сақтандыру компаниясына қажетті құжаттарды ұсыну (төменде қараңыз)
6. Сақтандыру компаниясына қажетті құжаттарды ұсыну:

Заттар құлаған кезде

1. Оқиға болған жерге аумақтық АІІБ қызметкерлерін тел.: 102, ұялы 112 арқылы шақыру;
2. Оқиға болған жерге апаттық комиссарды шақыру;
3. Сол күні АІІБ-ден осы оқиғаның тіркелгені туралы анықтама алу;
4. 3 жұмыс күнінен кешіктірмей сақтандыру компаниясын жазбаша хабардар ету;
5. Сақтандыру компаниясына қажетті құжаттарды ұсыну:

Автокөлікті ерікті сақтандыру «МАИ-сыз КАСКО» полисі бойынша

Жол-көлік оқиғасы (ЖКО) және зақымдану кезінде:

1. Төлем алу үшін МАИ-дан құжаттар ұсынудың қажеті жоқ:

• Егер ЖКО нәтижесінде адамның өмірі мен денсаулығына зиян келтірілмесе;
• Егер ЖКО-ның екінші қатысушысының Сізге ешқандай наразылығы болмаса;
• Егер ЖКО-ның қатысушысы тек Сіз болсаңыз және тек Сіздің автокөлігіңіз зардап шексе (мысалы, бағанға соғылу, бұтақтардың құлауы, жел әйнекке тас тию, бұзақылық, қарақшылық және т.б.)

1. Төлем алу үшін МАИ-дан құжаттар ұсыну қажет:
   • Егер ЖКО тараптарының бірінің екінші тарапқа наразылығы болса, ЖКО болған жерге жол полициясы қызметкерлерін тел. 102, ұялы 112 арқылы шақырып, жол полициясы қызметкерлері келгенге дейін көлік құралын жылжытпай, оқиға орнында қалу қажет
2. ЖКО болған жерге сақтандыру компаниясының апаттық комиссарын міндетті түрде шақыру
3. 3 (үш) жұмыс күнінен кешіктірмей сақтандыру компаниясын байланыс жасайтын тұлғаның деректерін (тел., эл. мекенжай) көрсете отырып, ЖКО туралы жазбаша хабардар ету. Өтініш бланкісін апаттық комиссардан алып, толтырғаннан кейін бланкіні комиссарға тапсыруыңызға болады
4. Сақтандыру компаниясына мына құжаттарды ұсыну қажет:

Залал келтірілген кезде (бөгде заттармен зақымдану немесе үшінші тұлғалардың құқыққа қайшы әрекеттері):

1. Сол күні апаттық комиссарды шақыру міндетті емес
2. 3 (үш) жұмыс күнінен кешіктірмей сақтандыру компаниясын байланыс жасайтын тұлғаның деректерін (тел., эл. мекенжай) көрсете отырып, жазбаша хабардар ету. Өтініш бланкісін апаттық комиссардан алып, толтырғаннан кейін бланкіні комиссарға тапсыруыңызға болады
3. Сақтандыру компаниясына мына құжаттарды ұсыну қажет:

Айдап әкеткен кезде:

1. Оқиға болған жерге аумақтық АІІБ қызметкерлерін тел. 102 немесе ұялы 112 арқылы шақыру қажет
2. 3 (үш) жұмыс күнінен кешіктірмей сақтандыру компаниясын байланыс жасайтын тұлғаның деректерін (тел., эл. мекенжай) көрсете отырып, ЖКО туралы жазбаша хабардар ету
3. Сақтандыру компаниясына көлік құралын сақтандыру шартына сәйкес құжаттарды ұсыну (ұсыну мерзімі 3 жылға дейін шектеледі).

Өрт кезінде:

1. Оқиға болған жерге өрт сөндіру қызметінің қызметкерлерін тел. 101 немесе ұялы 112 арқылы шақыру қажет
2. 3 (үш) жұмыс күнінен кешіктірмей сақтандыру компаниясын байланыс жасайтын тұлғаның деректерін (тел., эл. мекенжай) көрсете отырып, жазбаша хабардар ету
3. Өрт қадағалау органдарынан өрттің себебі және осы оқиға бойынша қабылданған шешім көрсетілген анықтама мен қаулы алу
4. Сақтандыру компаниясына көлік құралын сақтандыру шартына сәйкес құжаттарды ұсыну (ұсыну мерзімі 3 жылға дейін шектеледі).