Жұмыскерді міндетті сақтандыру

Жұмыскерді жазатайым оқиғадан міндетті сақтандырудың мақсаты – жұмыскердің еңбек міндеттерін атқару кезінде оның өміріне және денсаулығына зиян келтірілген жағдайда оған сақтандыру төлемдерін қамтамасыз ету.

Бұл не?

Жұмыскерлерді жазатайым оқиғалардан сақтандыру – «Жұмыскерді еңбек (қызметтік) міндеттерін атқару кезінде жазатайым оқиғалардан міндетті сақтандыру туралы» Қазақстан Республикасының Заңында көзделген міндетті сақтандыру түрі.

Жұмыскерді жазатайым оқиғадан міндетті сақтандыру полисінің болуы жұмыс берушіге не береді?

Міндетті сақтандыру шарты өндірісте, іссапарларда және қызметкерлердің өз еңбек міндеттерін атқаруына байланысты өзге де жағдайларда жазатайым оқиғалар болған кезде жұмыс берушінің қаржылық шығындар тәуекелдерін азайтады. Сақтандыру шартының талаптарына қарай бұл тәуекелдер ішінара немесе толығымен сақтандыру компаниясына жүктеледі.

Егер жұмыс беруші қызметкерлерді жазатайым оқиғадан сақтандыру шартын жасаспаса...

Бұл сақтандыру түрі міндетті болғандықтан, қызметкерді міндетті сақтандыру шартының болмауы 10-нан 1000 АЕК-ке дейінгі айыппұлдарға әкеп соғуы мүмкін. Сонымен қатар міндетті сақтандыру шартының болмауы жұмыс берушінің тартымдылығын төмендетеді (сақтандыру «жақсы әлеуметтік пакет» ұғымына берік енген), күтпеген қаржылық шығындар тәуекелін арттырады, персоналмен қақтығыстар мен сот дауларының ықтималдығын арттырады.

Міндетті сақтандыру шарты полисінің құнына қандай факторлар әсер етеді?

Бұл сақтандыру түрі міндетті түрлерге жататындықтан және ҚР заңнамасымен реттелетіндіктен, сақтандыру құнын есептеу әдісі бірыңғай және мынадай факторларға байланысты болады:

• кәсіптік тәуекел сыныбы (өндірістік жарақаттану және кәсіптік аурушаңдық деңгейі – ЭҚТ-ға байланысты 1-ден 22-ге дейін);
• еңбекақы төлеу қоры;
• компанияда бұрын болған сақтандыру жағдайларының статистикасы.

Сақтандыру сыйлықақысының мөлшері сақтандыру сомасына көбейтілген, ҚР Заңымен белгіленген сақтандыру тарифі (персоналдың әрбір санаты үшін ең төменгі және ең жоғары тарифтер белгіленген) негізінде сақтандыру шартымен айқындалады.

Сақтандыру шарты қандай мерзімге жасалады?

Әдетте сақтандыру мерзімі 12 ай болып белгіленеді.

Сондай-ақ мына ақпаратпен танысыңыз

1. 01.01.2012 ж. бастап заңға енгізілген өзгерістер туралы заңгерлік қорытынды.

2. "Жұмыскерді еңбек (қызметтік) міндеттерін атқару кезінде жазатайым оқиғалардан міндетті сақтандыру туралы" Заң

3. Жұмыскерді еңбек (қызметтік) міндеттерін атқару кезінде жазатайым оқиғалардан міндетті сақтандыру туралы қысқаша.

Сұрақтарыңыз қалса, қоңырау шалыңыз, біздің байланыс деректеріміз осында.